Пирӗн ҫӗршыври чӑваш чӗлхи тӗпчевҫисем

Аракин Владимир Дмитриeвич (19.07.1904-1983)

Чӗлхеҫӗ, филологи ӑслӑлӑхӗсен докторӗ, профессор.

Мускавра ҫуралса ӳснӗ. 1926 ҫ. А.С. Eнукидзе яч. Хӗвел тухӑҫ чӗлхисен Ленинград институтӗнчен, 1930 ҫ. Мускав университечӗн педагогика факультетӗнчен вӗренсе тухнӑ.

1930–1932 ҫҫ. Мускав университечӗн этнологи факультетӗнче, 1931–1941 ҫҫ. М.В. Фрунзе ячӗпе хисепленекен Ҫар академийӗн тухӑҫ факультетӗнче вӗрентӳҫӗре тӑрӑшнӑ. 1942 ҫ. Мускав патшалӑх педагогика институтӗнче ӗҫлеме пуҫланӑ. 1946 ҫултанпа Мускав университечӗ ҫумӗнчи Хӗвел тухӑҫ чӗлхисен институтӗнче тата асӑннӑ аслӑ шкулӑн филологи факультетӗнче вӑй хунӑ.

«История преподавания иностранных языков в России» кандидат диссертацине Педагогика ӑслӑлӑхӗсен РСФСР академийӗнче 1947 ҫ. хӳтӗленӗ, профессор ятне 1961 ҫ. илнӗ. 1983 ҫ. Мускав патшалӑх педагогика институчӗ ҫумӗнчи Д 113.08.09 ятарлӑ советра «Структурная типология русского и некоторых германских языков: (Eдиницы сопоставительно–типологического анализа языков)» ӑслӑлӑх докладне хӳтӗлесе доктор хисепне тивӗҫнӗ.

Чӑваш чӗлхине тӗпчесе ҫырнӑ нумай ӗҫ авторӗ.

Статйисeм
  • К постановке преподавания английского языка в тюркоязычной средней школе // Иностранные языки в школе. 1949. № 1. С. 73-76.
  • К методике постановки английского произношения в чувашских школах // Иностранные языки в школе. 1949. № 5. С. 68-74.
  • Ошибки в работах Н.Я. Марра по чувашскому языку // Записки / НИИ языка, литературы и истории при Совете Министров Чувашской АССР. – Чебоксары, 1953. – Вып.8. – С. 35-62.
  • [О чувашском языке] // Николай Константинович Дмитриев. М., 1972. С. 53.
Пурнӑҫӗпе ӗҫӗ-­хӗлӗ
  • Владимиру Дмитриевичу Аракину – 70 лет // Иностранные языки в школе. 1974. № 3. С. 101: портр.
  • Петров Г. Владимир Дмитриевич Аракин / Г. Петров // Чувашский язык и литература: Тр. / НИИ при Совете Министров Чуваш. АССР. Чебоксары, 1975. Вып. 53. С. 204-206.
  • Добродомов И.Г. В.Д. Аракин и русский язык / И.Г. Добродомов // Вопросы лингвистической типологии, истории языка и лингводидактики. М., 1994.
  • Аракин Владимир Дмитриевич // Чӑваш чӗлхи тӗпчевҫисем : биобиблиографи указателӗ. – Шупашкар, 2006. – С. 34-35.

каялла