Пирӗн ҫӗршыври чӑваш чӗлхи тӗпчевҫисем
Стeпанова Елeна Николаeвна (20.10.1900–14.07.1976)
Филологи ӑслӑлӑхӗсен кандидачӗ, доцент.
Ҫӗрпӳ хулинче ҫуралса ӳснӗ. 1923 ҫ. Мускаври физкультура институтӗнчен вӗренсе тухнӑ, ҫак хулари иккӗмӗш патшалӑх университечӗн литература факультетне 1930 ҫ. вӗҫленӗ. 1941 ҫ. эвакуаципе Сӗнтӗрвӑррине куҫса киличченех тӗп хуламӑрӑн тӗрлӗ аслӑ шкулӗнче ӗҫленӗ.
1944–1963 ҫҫ. Чӑваш патшалӑх педагогика институчӗн нимӗҫ чӗлхин кафедрин ертӳҫинче тӑрӑшнӑ, пӗр вӑхӑт ют чӗлхе факультечӗн деканӗ пулнӑ. 1963 ҫ. пуҫласа мӗн виличченех Чӑваш патшалӑх университечӗн медицина факультетӗнче латин чӗлхине вӗрентсе пурӑннӑ.
«Звуковой состав чувашского языка в сравнении с немецким» кандидат диссертацине ют чӗлхе вӗрентекен 1–мӗш Мускав патшалӑх педагогика институтӗнче 1952 ҫ. хӳтӗленӗ.
Чӑваш АССР аслӑ шкулӗн тава тивӗҫлӗ ӗҫченӗ, вӗрентӳ ӗҫӗн отличникӗ.
Паллӑ ӗҫӗ: «Звуковой состав чувашского языка в сравнении с немецким».
Пурнӑҫӗпе ӗҫӗ-хӗлӗ
- Стeпанова Елeна Николаeвна // Чăваш чĕлхи тĕпчевçисем : биобиблиографи указателĕ. – Шупашкар, 2006. – С. 192.
* * *
- Федотов М.Р. E.Н. Степанова // Федотов М.Р. Исследователи чувашского языка / М.Р. Федотов. Чебоксары, 2000. С. 148–149.
- Серов И. E.Н. Степановой – 75 лет / И. Серов // Ульяновец. 1975. № 33.
- Степанова Eлена Николаевна // Чувашгоспедуниверситет им. И.Я. Яковлева: история, структура, ученые. Чебоксары, 2000. С. 314–315.