Васьлей Митта

1908 - 1957

Чувашский поэт,
мастер художественного перевода

Çамрăк поэта

Эй, тантăш, тантăш,

Эс-им, эс-им

Мана саватăн, юлташлан?

Е саншăн юрă астивес-им,

Е саншăн чаплăн эп ташлам?

Е иксĕлми çĕнĕ илемшĕн

Паян хушам-и çил çунат?

Чĕрем, чĕрем хыпсах çунать,

Мĕскер эп,  тантăш, кĕвĕлем-ши?

Тĕнчеленет

Умра ав шуçăм,

Умра -

Хĕрелнĕ асамат.

Çынсем çинчен юрлам кăтруçăн,

Çавсем

Тимлеççĕ сассăма.

Ĕмĕр сӳнми тăван кĕтесĕн

Амалансах пырать кăвар.

Эй, тантăш, тантăш,

Эс-им, эс-им?

Тавай

Пĕр харăс

Сас парар!

1928

Митта, Ваçлейĕ. Çамрăк поэта / Митта Ваçлейĕ. Çырнисен пуххи. Икĕ томпа тухать. I том. Сăвăсемпе поэмăсем / Ваçлей Митта. - Шупашкар, 2004. - С. 76.