Васьлей Митта

1908 - 1957

Чувашский поэт,
мастер художественного перевода

Генрих Гейне

Çу çитрĕ. Йывăç-курăк...

Çу çитрĕ. Йывăç-курăк
Ӳсет, чечекленет.
Йăл илнĕ путек-сурăх
Хаваслăн сиккелет.

Хуллен-хуллен юхаççĕ
Шур мамăк пĕлĕтсем.
Ăмăртмалла юрлаççĕ
Садри сар кайăксем.

Эп, чирлĕскер, выртатăп
Пĕччен çерем çинче.
Такам сасси, тăнлатăп,
Чĕнет - инçе, инçе...

1956

Гейне, Г. <Çу çитрĕ. Йывăç-курăк:> : [сăвă] / Генрих Гейне ; Митта Ваçлейĕ куçарнă // Митта, В. Çырнисен пуххи. Икĕ томпа тухать. I том : сăвăсем, поэмăсем, куçарусем / Ваçлей Митта. - Шупашкар, 2004. - С. 176-177.¹

---

¹ Малтанхи хут 1956 çулта <Ялав> журналăн 2-мĕш номерĕнче тухнă. <Кăмăлтан> кĕнекери текстсем тăрăх пичетленеççĕ. Вырăсларан куçарнă пулас. Г.Гейне (1797-1856) - нимĕçсен аслă поэчĕ.