Тăвăл пек тапранчĕ аслă халăх,
Вăл хаяррăн, çиллĕн çĕкленет.
Ваклама тухатпăр татăк-татăк
Çĕр çинчи чи ирсĕр çĕлене.
Авалтан пырать йăламăр çакă:
"Йытта йытă вилĕмĕ кĕтет".
Фашистсен ылханлă, юнлă чапĕ
ÿпресен ĕмрийĕ пек пĕтет.
Вăл ăнлантăр, Совет çĕршывĕ
Униче хапхийĕ мар иккен.
Эп вилсессĕн тухĕ манăн ывăл,
Хай каччи ÿксессĕн – сарпике.
Кĕрт йыттин хуртланнă, çĕрнĕ çарĕ
Сĕтĕрсе тухаймĕ ÿт-тирне.
Тантăшсем, хăюллăн та пĕр харăс
Халь утар-ха çапăçу хирне!
Июнĕн 22-мĕшĕ, 1941 çул
Кольцов, К. Йытта – йытă вилĕмĕ : [сăвă] / Кĕçтÿк Кольцов // Паттăрлăх кунĕсем. – Шупашкар, 1995. – С. 21.
