Ман шухăшсем чăнах нумайччĕ,
Тем те тăвас тесеттĕм эп.
Емĕтĕме тăшман путарчĕ,
Унпа вăрçма васкарăм эп.
Унта темле этем хаяррăн
Хĕç вылятса вăрçать тесен;
"Ман Тимĕр мар-ши?" – тесе хур эс,
Вĕри чуна аса илсе.
Тен, вăл эпех пулма пултарăп,
Чĕрем çапла хушать, анне.
Хăшĕ паян мана ăнланмĕç,
Ыран ăнкартĕç эп камне.
1942
Бараев, В. Пĕтмен çыру : [сăвă] / Владимир Бараев // Паттăрлăх кунĕсем : сăвăсемпе поэмăсем. – Шупашкар, 1995. – С. 15.
